ກະວີນິພົນ ຖືເປັນກະວີນິພົນອອນລາຍ ທີ່ໄດ້ຮວບຮວມເອົາບົດຂຽນທີ່ຂຽນເປັນພາສາລາວທັງຮ້ອຍກອງ ແລະ ຮ້ອຍແກ້ວ. ມີຈຸດປະສົງເພື່ອແນະນໍາກ່ຽວກັບວັນນະຄະດີລາວໃຫ້ແກ່ນັກອ່ານທົ່ວໄປ ແທນທີ່ຈະນໍາສະເໜີການພັດທະນາຮູບແບບວັນນະຄະດີ. ຜົນງານຈາກຍຸກຕ່າງໆໄດ້ຖືກນໍາມາຮວບຮວມເປັນສາມຫົວຂໍ້. ໃນສ່ວນຫົວຂໍ້ “ຕົວເມືອງ ແລະ ປ່າໄມ້” ໄດ້ນໍາສະເໜີກ່ຽວກັບບົດບາດການສົ່ງຜ່ານຂອງບົດກອນທີ່ກ່ຽວຂ້ອງກັບພູມີທັດຂອງປະເທດລາວ ນັບແຕ່ການຍົກຍ້ອງທໍາມະຊາດຈົນເຖິງການວິພາກວິຈານຄວາມແບ່ງແຍກພາຍໃນຕົວເມືອງ. ໃນຫົວຂໍ້ “ຄົນ ແລະ ສັດ” ກໍໄດ້ສ່ອງແສງເຖິງຄວາມສໍາພັນອັນສັບຊ້ອນລະຫວ່າງທໍາມະຊາດ ແລະ ວັດທະນະທໍາ ເຊິ່ງໄດ້ຮັບການສຶກສາເພີ່ມເຕີມຜ່ານແນວຄິດໃນເລື່ອງຂອງຄວາມເປັນປໍລະປັກລະຫວ່າງເຜົ່າພັນ ຫຼື ຄວາມມີນໍ້າໃຈໄມຕີຈິດຕໍ່ກັນ. ໃນຂໍ້ສຸດທ້າຍ “ຍິງ ແລະ ຊາຍ” ຈະເຫັນໄດ້ຈາກປະເດັນທາງບົດບາດຍິງຊາຍ ໃນຊ່ວງເວລາແຫ່ງປະຫວັດສາດ.