ທ່ານ ນາງ ສຸພາລັກ ພົງສະຫວັດ, ການສຶກສາຄົ້ນຄວ້າໃນຄວາມເປັນຍິງ ແລະ ຮູບແບບຂອງແມ່ຍິງຢ່າງຕໍ່ເນື່ອງ ໄດ້ກາຍເປັນສູນກາງສໍາຄັນໃນກິດຈະວັດຂອງເພິ່ນ, ໂດຍສະເພາະກໍແມ່ນການລະບາຍສີ ແລະ ການແຕ້ມຮູບ. ລາວໄດ້ຮັບແຮງບັນດານໃຈຈາກແມ່ຍິງລາວໃນນິທານ, ວັນນະກໍາ ແລະ ຊີວິດປະຈໍາວັນ. ແຮງບັນດານໃຈໃນການເປັນສິລະປິນໄດ້ເກີດຢູ່ໃນຕົວຂອງເພິ່ນຕະຫຼອດເວລາ ແລະ ໄດ້ກໍ່ຕົວຂຶ້ນເມື່ອລາວໄດ້ເລີ່ມດໍາເນີນການສຶກສາກ່ຽວກັບສີລະປະຢ່າງເປັນທາງການໃນສະຫວັນນະເຂດ ເຊິ່ງຕັ້ງຢູ່ທາງພາກໃຕ້ຂອງປະເທດລາວ. ມີການສຶກສາເພີ່ມຕື່ມໃນນະຄອນຫຼວງວຽງຈັນ, ແລະ ມີຜົນງານວາງສະແດງດ່ຽວເຖິງຫ້າງານນັບແຕ່ສໍາເລັດການສຶກສາ ເຊິ່ງໄດ້ເປັນເຄື່ອງຢືນຢັນວ່າ ທັງໝົດນີ້ຄືສິ່ງທີ່ລາວຕັ້ງໃຈຢາກຈະເຮັດ. ລາວຍັງມີສ່ວນຮ່ວມໃນການຮ່ວມມືລະຫວ່າງຊຸມຊົນກັບສິລະປິນ ແລະ ມີຄວາມເຊື່ອໝັ້ນວ່າ ປະເທດລາວຍັງມີທ່າແຮງໃນການເສີມຂະຫຍາຍຜົນງານສີລະປະໃນຊຸມຊົນ. ສໍາລັບ ທ່ານ ນາງ ສຸພາລັກ, ວຽກງານນີ້ແມ່ນກົງກັນຂ້າມກັບການຝຶກຝົນໃນການສ້າງສັນຜົນງານສີລະປະທີ່ໂດດດ່ຽວຂອງລາວ ແຕ່ກໍມີຄວາມສໍາຄັນບໍ່ຕ່າງກັນ. ທ່ານ ນາງ ສຸພາລັກ ແມ່ນນັກຂຽນຮ່ວມໃນບົດລາຍງານ “Women in Lao Contemporary Art & Culture from 1975 till Now” ຫຼື “ແມ່ຍິງໃນສິລະປະ ແລະ ວັດທະນະທໍາຮ່ວມສະໄໝຂອງລາວ ນັບແຕ່ປີ 1975 ເຖິງປັດຈຸບັນ” ຮ່ວມກັບ Project Space ໃນປີ 2022 ແລະ ເຮັດວຽກເປັນຜູ້ຊ່ວຍໄອແຄັດແກເລີລີ (i:cat gallery), ນະຄອນຫຼວງວຽງຈັນ ເປັນເວລາ 10 ປີ.