ທ່ານ ອານັນ ບົວພາ, ຜູ້ທີ່ໜັງສືພິມອອນລາຍ ເດິຮັຟຟິງຕັນ ໂພສ (Huffington Post) ກ່າວເຖິງວ່າ ເປັນຜູ້ນໍາພາການເຄື່ອນໄຫວຂອງກຸ່ມຄົນຫຼາກຫຼາຍທາງເພດ. ໃນປີ 2012, ທ່ານໄດ້ຕັ້ງກຸ່ມ “ພູມໃຈທີ່ເປັນເຮົາ” (ພຈຮ) ໃນລາວ, ເຊິ່ງເປັນເຄືອຂ່າຍຂອງອົງການຈັດຕັ້ງທາງສັງຄົມແຫ່ງທໍາອິດຂອງລາວ ທີ່ສົ່ງເສີມສິດເທົ່າທຽມກັນຂອງກຸ່ມຄົນຫຼາກຫຼາຍທາງເພດໃນຊຸມຊົນ. ໃນນາມທີ່ເປັນປະທານ ແລະ ຜູ້ກໍ່ຕັ້ງພູມໃຈທີ່ເປັນເຮົາ, ທ່ານໄດ້ຈັດງານພູມໃຈທີ່ເຮົາຄັ້ງທຳອິດຢູ່ ສປປ ລາວ. ທ່ານ ອານັນ ຍັງໄດ້ຮັບລາງວັນ Asian Pink Awards (Asia LGBTI Rights Awards) ທີ່ປະເທດສິງກະໂປໃນປີ 2014 ແລະ ຜົນງານໃນການເຮັດວຽກຕໍ່ຕ້ານພະຍາດເອສໄອວີ ແລະ ຄວາມຄິດລິເລີ່ມໃນການເຄື່ອນໄຫວສິດຂອງກຸ່ມຄົນທີ່ມີຄວາມຫຼາກຫຼາຍທາງເພດກໍ່ໄດ້ຮັບການຍ້ອງຍໍ. “ພູມໃຈທີ່ເປັນເຮົາ” ໄດ້ຈັດຢູ່ໃນອັນດັບ 9 ຂອງ LGBT Change Heroes ຂອງໂລກໂດຍ The Guardian ໃນປີ 2016.