ທ່ານ ຣິກ ກາເດັນລາ (Rik Gadella), ຜູ້ອໍານວຍການທີ່ເຮັດວຽກໃນໂລກສີລະປະສາກົນໃນອໍາສະເຕີດໍາ, ນິວຢອກ ແລະ ປາຣີ ເຊິ່ງທ່ານໄດ້ກໍ່ຕັ້ງ Paris Photo Art Fair ໃນປີ 1997, Parcours des Mondes ໃນປີ 2002, ກໍາກັບດູແລ“Design d’en France” ໃນປັກກິ່ງ ປີ 2004 ແລະ ຈັດພິມປຶ້ມຫຼາຍກວ່າ 150 ເຫຼັ້ມ, ລວມທັງວາລະສານ ແລະ ໜັງສືສິລະປິນ ພາຍໃຕ້ສໍານັກພິມ Picaron Editions. ທ່ານ ຣິກ ໄດ້ຍ້າຍມາຢູ່ປະເທດລາວໃນປີ 2008 ເພື່ອພັດທະນາຜາຕັດແກ້ ເຊິ່ງເປັນສວນພຶກສາຊາດແຫ່ງທຳອິດຂອງລາວ ແລະ ຮ່ວມງານກັບ Jean-Pierre Dovat ເຊິ່ງເປັນໂຄງການ Project Space ແຫ່ງທໍາອິດໃນຫຼວງພະບາງ ນັບແຕ່ປີ 2010 ເຖິງ 2014. ນັບແຕ່ປີ 2022, ທ່ານ ຣິກ ໄດ້ທຸ້ມເທແບບເຕັມເວລາໃຫ້ກັບການສ້າງຜົນງານສີລະປະ ແລະ ວັດທະນະທໍາອີກຄັ້ງ, ທ່ານໄດ້ເປີດໂຕ Project Space • ສູນສິລະປະຮ່ວມສະໄໝຂອງລາວ ທີ່ສວນພຶກສາຊາດຜາຕັດແກ້.