ທ່ານ ວິລະກອນ ພະຈັນທະວົງ, ມີຖິ່ນກໍາເນີດທີ່ນະຄອນຫຼວງວຽງຈັນ ເຊິ່ງປັດຈຸບັນດໍາລົງຊີວິດ ແລະ ເຮັດວຽກຢູ່ ສປປ ລາວ. ດ້ວຍຄວາມຮູ້ລະດັບປະລິນຍາໂທ ສາຂາສື່ສ້າງສັນ, ທ່ານ ວິລະກອນເຮັດວຽກໃນນາມນັກອອກແບບສ້າງສັນອິດສະຫຼະ ໃນສາຍງານໂຄສະນາ, ກົນລະຍຸດການສ້າງແບຣນ ແລະ ການອອກແບບກຣາຟຟິກມາດົນກວ່າ 15 ປີ. ໃນປີ 2023, ທ່ານ ວິລະກອນ ໄດ້ເຂົ້າຮ່ວມງານວາງສະແດງສີລະປະ ແລະ ດູແລກໍາກັບຫຼາຍງານ ເຊັ່ນ: ງານວາງສະແດງໂພສເຕີດ່ຽວ ສໍາລັບຄົບຮອບ 15 ປີ ຂອງ ໄອແຄັດແກເລີລີ (i:cat gallery), ງານສັບປະດາວັດທະນະທໍາອາຊີໃນເກົາຫຼີໃຕ້, ເຮັດວຽກຮ່ວມກັບໂຄງການ Project Space ພາຍໃຕ້ຫົວຂໍ້ “ຈິກຊໍທີ່ຫາຍໄປ” ໂດຍມີເວີກຊັອບກ່ຽວກັບແຟນຊິນ, ແລະ ງານວາງສະແດງສີລະປະດີຈິຕອນຂອງ Lao Art Week ທີ່ພາກຊັນ.